Për shkak të pandemisë, është marrë vendimi final për tu anuluar ceremonia e ndarjes së çmimeve “Nobel”. Koronavirusi ka ndryshuar rrjedhën e jetës, e ndërsa të gjithë pa përjashtim duhet ti përshtatemi rregullave të reja.
Fondacioni “Nobel”, i cili administron ndarjen e çmimeve prestigjioze “Nobel”, thotë se për shkak të pandemisë COVID-19, ka anuluar ceremoninë tradicionale, që mbahet çdo vit në muajin dhjetor, në Sallën e qytetit të Stokholmit.
Drejtori i përgjithshëm i Fondacionit Nobel, Lars Heikensten, është shprehur se për shkak të masave kufizuese, nuk është e mundur të mblidhen deri në 1.300 persona. Sipas tij, të gjithë duhet të bëjnë sakrifica dhe tu përshtaten rrethanave të reja.
“Ky është një vit shumë i veçantë, kur të gjithë duhet të bëjnë sakrifica dhe t’u përshtaten rrethanave plotësisht të reja, por ne do t’u kushtojmë vëmendje të ndryshme fituesve të çmimeve, zbulimeve dhe veprave të tyre”, tha ai në një deklaratë.
