Një ngjarje e pazakondtë ka ndodhur në Vorë, ku nusja ka grabitur lekët në shtëpinë e vjehrrit e vjehrrës. Bëhet fjalë për një shumë prej 6400 dollarësh, të cilat ajo i ka pranuar se i ka marrë.
Madje para policisë ka thënë se për këto lekë, nuk ka qenë në dijeni bashkëshorti i saj, por i ka shpenzuar për të kompletuar shtëpinë me perde e gjëra të tjera.
Një 22-vjeçare, e identifikuar si Fatjona Bumja, e cila jetonte në një shtëpi me bashkëshortin e saj në fshatin Marqinet të Vorës, i ka vjedhur vjehrrit 6400 dollarë.
Banesa e tyre ka qenë fare pranë ku jeton ajo, raporton “faxweb”. Teksa kishte dijeni për gjendjen e parave në shtëpi, në mënyrë të vazhdueshme ajo ka kryer vjedhjen, duke përjashtuar të shoqin nga gjithë kjo histori.
Ka qenë vjehrri që ka akuzuar nusen e djalit për këtë veprim, duke e denoncuar. 22 vjeçarja është arrestuar nga blutë e Policisë së Shtetit, ndërsa në deklaratën e saj përpara policisë ajo ka pranuar vjedhjen e parave.
“I kam vjedhur për të blerë perde dhe gjëra të ndryshme, për të kompletuar shtëpinë. Burri nuk di asgjë, pasi atij i kam thënë që paratë m’i jepnin prindërit e mi”, është shprehur ajo. Në ditët në vijim, pritet që e reja të njihet me masën e sigurisë.
