Pak ditë më parë, shumë bujë bëri lajmi se një ndër aktorët e serialit “Sulejmani i Madhërishëm”, kishte dhunuar partneren e tij. Ai e kishte lënë atë me njolla, ndërsa nuk kishte vonuar edhe denoncimi nga ana e saj.
Aktori turk Ozan Guven, i njohur nga roli i Rustem Pashait në serialin “Sulejmani i Madhërishëm”, është bërë pjesë e një skandali.
Guven dhe e dashura e tij, Deniz kanë denoncuar njëri-tjetrin për dhunë dhe kanë publikuar fotot ku shfaqen me sy të nxirë e me shenja në fytyrë e në trup. Sipas dëshmive të tyre, ngjarja ka ndodhur në shtëpinë e aktorit në Stamboll, pas një sherri mes tyre.
Aktori e akuzoi të dashurën se e ka kërcënuar duke i thënë se do ia shkatërrojë karrierën. Ndërsa ajo e denoncoi Ozan Guven se ka ushtruar dhunë, pasi e kundërshtoi për sjelljen e tij të papërshtatshme.
Lidhur me këtë rast që ka bërë xhiron e mediave të huaja, gjykata ka dhënë vendimin për aktorin i cili për 2 muaj nuk mund t’i afrohet të dashurës së tij. Ozan Guven e ka kundërshtuar vendimin, duke treguar edhe fotot ku sipas tij është goditur nga partnerja. Por siç duket, gjykata ka refuzuar rishikimin e vendimit duke deklaruar se vendimi për aktorin është marrë në bazë të ligjit.
