Moderatori Alban Dudushi është një nga ikonat e “Top Channel”. Rrjeti po zien nga lajmet se ai mund të jetë larguar prej aty, për të startuar në një tjetër ekran. Këto janë ende thashetheme, por bashkëshortja e tij duket se ka ngritur dyshimet.
Gjithçka ka nisur nga një video e publikuar nga moderatorja Bieta Sulo në Instagram. Pasditen e djeshme, i ftuar në “Ftesë në pesë” ishte artisti i ri Mato Lale. Ai ka repuar në studio, duke u shprehur me shaka se do t’i zërë vendin Albanit.
“Ka ca muaj që e kanë lënë bosh studion, do të të shkonte”, u shpreh Bieta. Po ashtu ajo ka shkruar krahas videos “Pas 20 vitesh në Top Channel, Alban Dudushi ia lë stafetën Mato Lales?”.
“Revista Who” ka kontaktuar me Albanin, i cili ka thënë se në shtator do të rikthehet në ekran, por pa përmendur ku.
