Një tjetër politikan nga Kosova ka rezultuar pozitiv me koronavirus.
Bëhet fjalë për ish-ministrin e Infrastrukturës, Lumir Abdixhiku nga radhët e LDK-së. Lajmin e ka bërë vetë të ditur politikani përmes një postimi në rrjetet sociale.
Ai pohon se edhe gruaja e tij ka rezultuar pozitive, ndërsa thekson se deri më tani ata nuk kanë shfaqur asnjë simptomë.
“Sot unë dhe Albina jemi testuar pozitiv. Ndjehemi mirë dhe nuk kemi ndonjë simptomë. Jemi vetizoluar dhe po përcjellim rekomandimet e institucioneve. Kujdesi i tyre është i jashtëzakonshëm”, shkruan ai në Facebook.
Kujtojmë se pak ditë më parë edhe 4 deputetë nga radhët e LDK-së rezultuan pozitiv me koronavirus.
