Ministria e Mbrojtjes së Egjiptit deklaroi se ka nënshkruar një kontratë me prodhuesit rusë të ushtrisë Uralvagonzavod. Në kontratë përfshihet blerja e 500 tankeve T-90MS, të cilët janë tanket më të avancuara ruse që mund të eksportohen.
Sektori i mbrojtjes së Egjiptit është përfshirë më parë në montimin e tankeve amerikane “M1A1 Abrams”, teksa kanë në shërbim rreth 1000 prej tyre. Por tashmë të njëjtat impiante do të përshtaten dhe zgjerohen për prodhimin e blindave ruse.
Vjetërsimi i tankeve Abrams dhe njëfarë ftohje e marrëdhënieve me SHBA mund të kenë influencuar vendimin e Kairos. Por një avantazh tjetër është modeli i ri T-90MS, i reklamuar së fundmi nga Rusia.
Kujtojmë se Egjipti ka reduktuar mbështetjen te armatimet amerikane, që prej përmbysjes së qeverisë pro-perëndimore islamiste në 2013, ndaj së cilës Uashingtoni u përgjigj me një embargo armatimesh.
