Moderatori i mirënjohur Ardit Roshi dhe vajza e Agim Bejkos, i dhanë fund fejesës së tyre. Një lajm ky që është komentuar gjerësisht në median rozë. Ky lajm mori edhe më tepër vemendje pasi ndarja ndodhi gati 6 muaj pas propozimit romantik që Roshi i bëri partneres, duke iu gjunjëzuar në mes të emisionit “Këndo Këngën Time”.
Ardit Roshi nuk ka dhënë asnjë koment në lidhje me këtë ndarje më herët, por sot ka shuar heshtjen në emisionin “ABC-ja e mëngjesit”.
Teksa u ndal tek jeta e tij personale, moderatori Alban Musa e pyeti Roshin nëse është mirë tashmë, sepse nuk dëshironte ta komentonte më gjatë ç’kishte ndodhur.
“Shumë prej shikuesve, gazetarëve, janë duke pritur që unë të bëj një pyetje për jetën tënde personale, por unë kam zgjedhur të mos të ta bëj. Mua më intereson vetëm një gjë, a je ok, a je mirë tani?“, pyeti moderatori.
“Shif e shkruaj, si të dukem?”, u përgjigj Roshi, duke lënë të kuptohet se gjithçka është lënë pas dhe tashmë është shumë mirë.
