Instituti Kombëtar i Shëndetësisë Publike në Kosovë njoftoi se në 24 orët e fundit janë kryer 281 teste për koronavirus.
Ndërkohë raportohet se janë regjistruar 69 raste të reja me COVID-19.
Krahasuar me një ditë më parë, është në rënie numri i rasteve të reja, pasi të mërkurën ishin 95 persona të prekur.
Gjithashtu bëhet me dije se janë shëruar 75 persona në 24 orët e fundit, duke e çuar numrin e përgjithshëm të të shëruarve në 1144 persona.
Deri më tani, në Kosovë janë konfirmuar të infektuar 2432 persona, nga të cilët 42 e kanë humbur betejën me koronavirusin.
