Kreu i Shtetit, Ilir Meta, do të takohet me kryenegociatorin e Shqipërisë për negociatat në BE, Zef Mazi. Takimi pritet të mbahet në orën 12 në Presidencë.
Zef Mazi do të jetë në krye të grupit që do të zhvillojë bisedimet për anëtarësimin e Shqipërisë në Bashkimin Evropian. Mazi dhe Meta pritet të diskutojnë në lidhje me 15 kushtet e vendosura nga Bashkimi Evropian.
Parlamenti Evropian miratoi javën e shkuar rezolutën me 15 kushte, të kërkuara nga Partitë Popullore Evropiane. Këto kushte Shqipëria duhet t’i përmbushë përpara se të zhvillohet konferenca e parë ndërqeveritare.
