Kreu i Prokurorisë së Përgjithshme, Olsian Çela, ka folur sot në Kuvend lidhur me nivelin e kriminalitetit në vendin tonë.
Mirëpo duket se kjo çështje ka qenë jointeresante për deputetët, të cilët kanë vendosur në masë që të lënë sallën, në momentin kur Çela ka qenë duke folur.
Në lidhje me këtë ka reaguar edhe analisti Afrim Krasniqi, i cili thotë se kjo është një skenë fyese. Përmes një postimi në rrjetet sociale, Krasniqi tha se në Kuvend në atë moment ndodheshin vetëm 8 deputetë, nga 122 që janë në total.
“Prokurori i Përgjithshëm po mban raport në Kuvend. Po flet për gjendjen e kriminalitetit! Temë e rëndësishme, zyrtari nga më rëndësishmit. Shikoni pamjen absurde: në sallë vetëm 8 nga 122 deputetë. Pamje live e TVSH, skenë fyese! Politikë & institucione & retorikë & Kuvend formal”, shkruan ai në postimin e tij.
