Koordinatori i Listës Serbe për komunën e Vushtrisë, Milan Kostiç bën me dije se dy vëllezër serbë janë gjetur të vdekur në fshatin Preluzhë.
Trupat e Bratislav dhe Dragan Doriç u gjetën rreth orës 10 të mëngjesit dhe u transferuan menjëherë në Institutin e Mjekësisë Ligjore në Prishtinë. Ndaj tyre do të zhvillohet një autopsi për të zbuluar edhe shkakun e vdekjes.
Banorët e Preluzhës, fshati më i madh serb në rrugën Prishtinë- Mitrovicë, dyshojnë se shkaku i vdekjes ishte helmimi me alkool metilik.
Para disa ditësh, banori Miodrag Bojkoviç vdiq gjithashtu në këtë fshat në rrethana të dyshimta.
Sipas mediave kosovare, vendasit pretendojnë se një person i panjohur nga Rahoveci u ka shitur raki rrushi në disa raste në 15 ditët e fundit me një çmim 1.6 euro për litër, megjithëse çmimi i tij i vërtetë është nga 5 deri në 7 euro.
Kostiç dyshon se shkaku i vdekjes së tre vendasve ishte helmimi nga alkooli metelik, por kjo mbetet të përcaktohet nga autopsia.
