Presidenti Ilir Meta ka folur në lidhje me zgjedhjet, duke treguar nëse do t’i dekretojë zgjedhjet e përgjithshme dhe ato lokale në të njëjtin ditë.
Në konferencën e mbajtur për mediat, Meta tha se do të veprojë gjithnjë siç e kërkon Kushtetuta. Ai shtoi se zgjedhjet lokale dhe të përgjithshme për të duhet të ishin mbajtur tashmë, megjithatë thekson se do të jetë korrekt.
“Mendoj se pyetja është interesante por përgjigja është e qartë presidenti do të veprojë gjithmonë në raport me Kushtetutën dhe jo si ai do të dëshironte të vepronte me logjikë normale të zhvillimeve.
Për mua edhe zgjedhjet e përgjithshme dhe vendore duhet të ishin mbajtur dje. Por unë do të jem i vëmendshëm në përmbushjen e detyrimeve ligjore”, tha ai.
