Pas dy muajve ndërprerje për shkak të pandemisë së koronavirusit, kanë rifilluar fluturimet ndërkombëtare nga Turqia.
“Turkish Airlines” njoftoi sot fluturimet e para drejt Dyseldorfit, Mynihut dhe Frankfurtit në Gjermani, si dhe drejt Londrës dhe Amsterdamit që nga aeroporti i Stambollit.
Avioni i parë i cili kishte destinacion Londrën u ngrit sot në mëngjes nga aeroporti ”Sabiha Gokcen”, në anën aziatike të metropolit të Bosforit.
“Fluturimet ndërkombëtare kanë filluar në mënyrë të kontrolluar. Duke nisur nga 15 qershori, fluturimet do të rifillojnë rregullisht drejt vendeve jo të kërcënuara”, tha ministri i Transporteve, Adil Karaismailoglu.
