Pak ditë më parë, u bë publik rasti i një 15 vjeçareje e cila u përdhunua nga roja e shkollës. Ky rast tërhoqi vëmëndjen e opinionit publik, e ndërsa një sërë akuzash u ngritën për insitucionet shqiptare.
65-vjeçari Abaz Dogu, kishte abuzuar me të miturën dhe e kishte filmuar, e më pas ua kishte shpërndarë videon intime edhe tre të rinjve. Këta të fundit e kishin shantazhuar të miturën, duke e detyruar të kryejë marrëdhënie seksuale edhe me ta për një kohë të gjatë.
Për këtë ngjarje u akuzua në mënyrë të drejtpërdrejtë Ministrja e Arsimit, Besa Shahini, për shkak se shkollat janë kthyer në çerdhe të abuzimeve. Në foltoren e Parlamentit, Shahini ka zgjedhur që të përdorë justifikime lidhur me ngjarjen. Ajo tha ndër të tjera se gratë, një herë në jetë ngacmohen seksualisht.
“Nga janari 2019, strukturat arsimore janë njohur me disa raste denoncimesh. Gjysma janë zbuluar nga stafi i shkollës dhe janë denoncuar nga ata. Ka qenë pikërisht një mësues i vëmendshëm që ka marrë masa, të gjitha këto raste kanë një të përbashkët, të gjithë abuzuesit kanë qenë të njohur, në afërsi familjare.
Ndëshkimet nuk po mjaftojnë të ndalojnë abuzimin. Kjo po ndodh në një kontekst të patriarkalizmit të thellë. Më gjeni një grua që nuk është ngacmuar seksualisht, në rrugë, në punë apo shkollë me qëllim që të turpërohet.
Ngacmimi seksual, përveçse është i dënueshëm në Kodin Penal, prapë kjo praktikë vazhdon nga burrat dhe vazhdon mos raportohet nga gratë. Natyrisht ne kemi përgjegjësi intitucionale, secili nga ju ka përgjegjësi të ndryshojë kulturën rreth nesh”, tha Shahini teksa akuzoi median se i abuzon për herë të dytë viktimat, duke dhënë detaje identifikuese.
“As sot, as dje, as kurrë, ministrja nuk do prononcohet me raste individuale se kjo është riabuzim me viktimën. Të njëjtën pres dhe nga organizatat, ndërprisni daljet në media me informacione identifikuese. Hetim urgjent për protokollet e OJF që marrin para nga buxheti i shtetit, u kemi dërguar bashkive kriteret për stafin, rojet dhe pastruesit. Kemi kërkuar nga AMA të marrë masa ndaj mediumit që kishte publikuar dëshminë policore të plotë ndaj një të mituri. Kërkoj që mos presë nxitje nga ne. Na thonë, ju lutemi na mbroni nga gazetarët dhe unë e kam frikën se arsye se pse nuk ka denoncime është frika se do përfundojnë në detaje identifikuese në televizor. Do dyfishojmë numrin e psikologëve dhe punonjësve socialë.
Por kjo nuk mjafton, nëse duam të parandalojmë dhunën e ngacmimin seksual, duhet të punojmë për të luftuar sistemin patriarkal”, u shpreh Shahini.
