Moisi Habilaj, i cili ishte dënuar nga Gjykata e Shkallës së Parë me 15 vite burg për trafik droge në Itali, tashmë ka dalë në arrest shtëpie.
Mediat italiane raportojnë se Gjykata e Apelit të Katanias ka ndryshuar masën e sigurisë për shqiptarin, i cili do të qëndrojë tek një i afërmi i tij në Siçili.
Kujtojmë se Moisi Habilaj dhe Florian Habilaj akuzohen për grup të strukturuar kriminal të trafikut të drogës, nga Shqipëria drejt Siçilisë.
Grupi Habilaj akuzohet nga drejtësia italiane se ka transportuar drogë me vlerë 20 milionë euro nga Shqipëria drejt Italisë.
Emri i Moisi Habilajt është i lidhur edhe me ish-ministrin e Brendshëm, Saimir Tahirin, i dyshuar si bashkëpuntorë në trafik droge.
