Detaje të reja janë zbardhur lidhur me ekzekutimin e 25-vjeçarit Kristian Breshanaj. I riu është ekzekutuar në derën e shtëpisë së tij, natën e Fiter Bajramit, me 5 plumba nga 10 që u shtinë mbi të në qytetin e Vlorës.
Breshanaj është gjetur i vdekur në mesnatë, në rrugën pranë banesës së tij dhe askush nuk mundi t’i jepte ndihmën e parë. Policia ka nisur menjëherë hetimet dhe ka sekuestruar kamerat përreth vendit të ngjarjes.
Breshanaj kishte vetëm 3 muaj që ishte kthyer nga Belgjika, djalë i një mjeku reanimator në Spitalin e Vlorës. Duket si një vrasje e mirëmenduar. Autorët kanë djegur makinën që përdorën gjatë vrasjes, një BMW me targa greke, brenda së cilës është gjetur edhe arma kallashnikov.
