Në të gjithë botën aktualisht po vijojnë përpjekjet për gjetjen e një vaksine kundër koronavirusit.
Ndërkohë Presidenti amerikan Donald Trump i ka befasuar të gjithë me veprimin që ka bërë.
Trump ka vendosur që të dhurojë pagën e tij të 3 muajve për Departamentin e Shëndetësisë dhe Shërbimeve Njerëzore.
Ai njoftoi se do ta bëjë këtë “për të zhvilluar terapi të reja për trajtimin dhe parandalimin e COVID-19”.
Sekretarja e shtypit në Shtëpinë e Bardhë, Kayleigh McEnany, e dha njoftimin ditën e premte: “Ja çeku prej 100 000 dollarësh. Ky do të shkojë direkt nga Presidenti Trump, i cili pagën e tij nuk e tërheq, por e kalon për iniciativa bamirësie, tek kërkimi për Covid-19”.
