Në një komunikim online, kryeministri Rama ka njoftuar se tashmë dokumenti i pronës mund të merret online. Ai sqaroi se shërbimet kadastrale bëhen me aplikime online. Rama ka thënë se shërbimet online, janë pjesë e revolucionit dixhital, duke e kthyer 2020-ën në një vit të transformimit të madh, për të krijuar një kornizë plot transparencë e llogaridhënie. Me futjen e vulës elektronike, edhe pjesa tjetër e shërbimit do të bëhet online.
“Tani më nuk kemi sistemin e para disa kohëve. Po kemi Agjencinë Shtetërore të Kadastres. Ajo që është me e rëndësishme, shërbimet online, janë pjesë e revolucionit dixhital, që e kthen vitin 2020 në një vit të transformimit të madh.
Për të krijuar një kornizë plot transparencë e llogaridhënie. Ajo që dua të them pa marrë shumë kohë, pasi sot jemi këtu përmes drejtorit të Kadastrës, dhe drejtoreshës së AKSHIT.
Shërbimet kadastrale bëhen me aplikime online dhe me futjen e vulës elektronike, tani më, edhe pjesa tjetër e shërbimit do të behët online. Nuk është më nevoja që në një proces të arsyeshëm tranzicioni s’do të jetë e nevojshme që të shkohet fizikisht, pasi gjithçka do të bëhet nga shtëpia, nga telefoni.
Faktikisht deri në dhjetor të vitit të shkuar, qytetari do të paraqitej fizikisht, do të aplikonte do kryente pagesën, të priste deri në ditën që t’i thuhej; hajde merr dokumentin. Kështu ishin krijuar qerthujt e tmerrshëm të sekserëve duke përfshirë dhe gishtat. Tashmë qytetarët aplikojnë online, përmes telefonit. Kemi lehtësuar aplikimin“, u shpreh Rama.
