Ditën e sotme disa taksistë kanë protestuar në rrugën “Ibrahim Rugova”, pasi iu është ndaluar të punojnë sepse një pjesë e rrugës do të kthehet në korsi biçikletash.
Taksistët kanë shprehur kundërshtimin e tyre ndaj kësaj korsie.
“Më mirë të na kishte kap pandemia dhe të mos ekzistonim fare si njerëz. Këtu po na bëhen shumë padrejtësi. Duhet të mbajmë familjet tona. Le të bëhet korsia e biçikletave, ama edhe në QKR thuhet që rruga “Ibrahim Rugova” është për taksitë.
Kam 30 vite punë si taksist. Korsitë e biçikletave bëhen në krah të djathtë. Më duket absurd kjo që po bëjnë, ne i kemi zbatuar të gjitha rregullat. Të kalosh biçikletën nga krahu i djathtë te krahu i majtë, mendoj se duhet ta mbash në krah. Ata duan me e bë Holandë, por ne jemi në Shqipëri”, tha një taksist.
