Ambasadori i BE në Shqipëri, Luigi Soreca, pas rifillimit të përplasjeve për Reformën Zgjedhore ka bërë të qartë se Këshilli Politik duhet të fillojë punën. Me anë të një statusi në Twitter, Soreca shkruan se është thelbësore që Këshilli Politik të rifillojë punën.
“Thelbësore që Këshilli Politik të rifillojë punën ndër-partiake në Reformën Zgjedhore, edhe në kohë të vështira si COVID-19. Thelbësore që reforma mbështetet nga të gjithë aktorët politikë, në interesin më të lartë Shqipërisë, në mënyrë që të përmbushet sa më shpejt kushtet e përcaktuara nga Këshilli Europian”, shkruan Soreca.
Pak më herët, Gjiknuri tha se nuk i kuptonte deklaratat kontradiktore të opozitës sa i përket mbledhjes së Këshillit Politik. Sipas tij, mazhoranca i ka votat e mjaftueshme për ta miratuar paketën elektorale.
