Një aksident i rëndë është regjistruar ditën e sotme në rrugën interurbane kryesore Durrës-Tiranë, në hyrje të Vorës.
Sipas policisë, një automjet i drejtuar nga një 20-vjeçar ka humbur kontrollin si rezultat i shpejtësisë dhe për pasojë ka goditur një automjet tjetër të ndaluar jashtë rruge.
I plagosur në këtë aksident ka mbetur edhe një efektiv policie, i cili në momentin e përplasjes po kryente verifikimet dhe veprimet policore ndaj drejtuesit të automjetit të ndaluar.
Efektivi i policisë është dërguar menjëherë në spital, ndërsa 2 drejtuesit e automjeteve janë shoqëruar në komisariat.
Njoftimi i policisë:
Më datë 04.05.2020, rreth orës 13:00, në rrugën interurbane kryesore Durrës-Tiranë, në hyrje të Vorës, automjeti i drejtuar nga shtetasi me iniciale M. B ., 20 vjeç, ka humbur kontrollin si rezultat i shpejtësisë dhe për pasojë ka goditur automjetin e ndaluar jashtë rruge tip BMË X5, si dhe punonjësin e Policisë Rrugore me iniciale R. Q., i cili në momentin e përplasjes po kryente verifikimet dhe veprimet policore ndaj drejtuesit të automjetit tip BMË X5 në krahun e shoferit të këtij mjeti, i cili ishte konstatuar duke qarkulluar pa vendosur targat në vendin e caktuar.
Punonjësi i Policisë është dërguar menjëherë në spital dhe ndodhet nën kujdesin e mjekëve.
Të dy drejtuesit e mjeteve të përfshirë në aksident janë shoqëruar në ambientet e Komisariatit të Policisë Vorë, për veprime të tjera hetimore.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
