Situata me koronavirusin, për shumë shtete nuk është aspak e menaxhueshme. Shifrat e të vdekurve janë në trend rritës, po kështu edhe të infekrtuarve.
Fuqitë më të mëdha duket se janë gjunjëzuar para pandemisë. Pas Nju Jorkut, edhe Brazili po krijon varre masive, për shkak të tragjedisë që po shkakton koronavirusi. Sipas autoriteteve braziliane, deri më tani janë 43.592 të prekur nga koronavirusi dhe 2.769 viktima.
Në zonën e Amazonas, shumë shërbime funebre nuk mund të mbahen, ndërsa spitalet publike janë të tejmbushura nga të infektuarit. Në varrezat më të mëdha të Brazilit, në Manaus, viktimat e koronavirusit tanimë po varrosen në varre masive.
Në varrezat Parque Tarumã, të Manaus-it, po punohet për të gërmuar varret masive. Këto varre janë krijuar posaçërisht për të varrosur viktimat e koronavirusit.
