Në takimin e thirrur nga Presidenti i Kosovës Hashim Thaçi, Kreu i AAK-së, Ramush Haradinaj i mëshoi faktit se partia e tij është kundër shpalljes së zgjedhjeve dhe pro krijimit të një Qeverie të re.
Gjatë fjalës së tij, Haradinaj theksoi se nuk është dakord me shpërbërjen e parlamentit, pasi sipas tij ai është legjitim.
“Nuk jemi për shpërbërjen e parlamentit. Kemi mbajtur zgjedhje që janë pranuar nga të gjithë. Ky parlament është legjitim. Ky parlament e ka obligim me ia kthy vendit një Qeveri me mandat të plotë.
Ne përkrahim krijimin e një Qeverie në kuadër të këtij parlamenti dhe përkrahim angazhimin e të gjithëve për situatën e krijuar”, u shpreh kreu i AAK-së.
