Sot për të gjithë shqiptarët çdo gjë është e mbyllur, pas një njoftimi të shpërndarë dy ditë më parë nga kryeministri Rama. Prej javësh Shqipëria është në shtetrrethim, e ndërsa nesër vendi do të vijojë me rregullat e reja.
Sot asnjë aktivitet nuk është hapur, dhe asnjë person nuk lejohet që të dalë nga shtëpia. Karantina nisi dje në orën 13:00 dhe do të vazhdojë deri ditën e nesërme në orën 05:00 të mëngjesit.
Sikundër njoftoi kreu i qeverisë, nga nesër, farmacitë, bankat dhe dyqanet ushqimore do të jenë hapur deri në orën 17:30. Autorizimet për leje-dalje për pazar do të jenë 90 minuta në ditë, dhe mund të bëjë pazar vetëm një familjar.
Duke iu referuar masave të reja, nëse dikush merr në makinë një pensionit, përballet me ligjin dhe rrezikon burgosjen. Po kështu, pritet që në seancën plenare të 16 prillit të miratohen ndryshimet në kodin penal dhe rrugor.
