Italianët çdo ditë e më shumë po përballen me bilance tragjike. Numri i të vdekurve duket se nuk do të njohë ulje. Disa ditë kur ky numër pëson një trend në ulje, ekspertët ngjallin shpresat, se diçka po ndryshon.
Italia e izoluar duket se edhe këtë muaj nuk do ti kthehet normalitetit. Për shkak të shifrave tragjike, raportohet se është shtyrë afati i masave shtrënguese kundër përhapjes së koronavirusit deri më 3 maj.
“Nuk jemi në kushtet, për momentin, për të hapur aktivitetet prodhuese, sepse do të rrezikoni ngritjen e kurbës së të infektuarve dhe të hidhnim poshtë të gjitha sakrificat e bëra deri tani”. Kështu deklaroi kryeministri italian Giuseppe Conte, në lidhje me zgjatjen e bllokimit.
Me një qarkore të re, qeveria forcon kontrollet për Pashkë, duke u kërkuar forcave të policisë, të kushtojnë vëmendje të veçantë për mos të lejuar që italianët të shkojnë nëpër shtëpitë e dyta, ose në zona pushimi.
