Pas 3 ditëve në terapi intensive për shkak të COVID-19, gjendja shëndetësore e kryeministrit britanik Boris Johnson thuhet se është përmirësuar.
Ministri i Financave në Britaninë e Madhe bëri me dije se kryeministri britanik mbetet në terapi intensive, mirëpo ai po përmirësohet:
“Kryeministri mbetet në terapi intensive, ku gjendja e tij po përmirësohet. Mund t’ju them se ai ka lëvizur nga shtrati dhe ka folur me ekipin mjekësor”. Ministri shtoi se Johnson ka nevojë për oksigjen, por jo për ventilator.
Kujtojmë se prej shpërthimit të pandemisë, më shumë se 7 mijë persona kanë humbur jetën nga koronavirusi dhe mbi 61 mijë janë infektuar në Britaninë e Madhe.
Ndërkohë ekspertët kanë paralajmëruar se piku i koronavirusit nuk ka mbërritur ende.
