Spanja ka regjistruar 757 viktima nga koronavirusi në 24 orët e fundit, duke e çuar në 14,555 numrin total të viktimave.
Shifrat u bënë publike nga Ministria e Shëndetësisë në vend. Në bilancin e sotëm janë shënuar 14 viktima më shumë se sa në bilancin e një dite më parë ku u shënuar 743 vdekje.
Ndërkohë janë regjistruar më shumë se 4,700 raste të reja, teksa numri total i rasteve të verifikuara shkon në 146,690.
Raportohet se 48,021 persona janë shëruar, ndërsa më shumë se 7 mijë ndodhen në gjendje të rëndë shëndetësore.
Spanja mban vendin e dytë në botë për numrin më të madh të rasteve dhe për numrin më të lartë të viktimave.
Italia mban vendin e parë për numrin më të madh të vdekjeve nga COVID-19 (17,127), ndërsa SHBA regjistron numrin më të madh të infektimeve në shkallë botërore.
SHBA renditet e treta për numrin më të madh të viktimave, por numri vijon të rritet me ritme shumë të shpejta.
Në 24 orët e fundit në SHBA u shënuan rreth 2 mijë viktima, duke e çuar në 12,722 numrin total të vdekjeve.
