Rihanna ka folur për dëshirën për tu bërë nënë në intervistën e saj të fundit për Vogue British, duke thënë se do të ketë fëmijë edhe nëse s’ka partner.
Këngëtarja 32-vjeçare, e cila aktualisht është duke punuar për albumin e saj të nëntë të shumëpritur, foli për mundësinë e ndjekjes së mënyrave alternative për mëmësinë. Kur u pyet se ku e sheh veten pas 10 vjetësh, këngëtarja u përgjigj: “Do të kem fëmijë – tre ose katër”.
Ajo i rrëfeu revistës britanike se dëshironte të kishte fëmijë edhe nëse nuk do te takoje njeriun e duhur, duke shtuar: “Ndjehem sikur shoqëria po më thotë që kjo është e gabuar. Te ulin rolin si nënë nëse nuk ka baba në jetën e fëmijëve tuaj “.
Rihanna eshte ndare nga i dashuri i saj, biznesmeni saudit Hassan Jameel, në fillim të këtij viti. Ajo përmendi gjithashtu në intervistë se po punon shumë për publikimin e albumit të saj të ri.
