Lautaro dëshiron të largohet dhe Interi e ka të pamundur ta ndalojë. Kështu, e vetmja gjë që i mbetet në dorë zikaltërve është të marrin më të mirën nga largimi i yllit të skuadrës së tyre. Barcelona po negocion vazhdimisht për të të ulur vlerën e parave që duhen paguar, duke ofruar edhe lojtarë në këmbim.
Së fundmi oferta e katalanasve është 70 milionë euro, plus dy lojtarë, Arturo Vidal dhe Nelson Semedo. Të dy do të forconin pikat e dobëta të Interit të sivjetshëm. Conte me Vidal është i dashuruar që te Juventusi dhe Semedo do të ishte zgjidhja perfekte për krahun e djathtë.
Përveç bisedave me Interin, Barcelona po negocion edhe me Lautaron dhe duket se tratativat janë në përfundim e sipër. Katalanasit kanë gati një kontratë afatgjatë prej 7 vitesh me pagë 7 milionë euro në sezon, shumë më shumë se ç’mund t’i ofrojë Interi aktualisht. Kriza e koronavirusit duket se do e ketë të pamundur ta ndalë këtë operacion.
