Ish-deputeti i Partisë Demokratike, Oerd Bylykbashi, ka reaguar me anë të një statusi në Facebook pasi kryeministri Edi Rama rrëfeu për mediat italiane se ishte arrestuar në Itali.
Bylykbashi citon se në rast mosdeklarimi, ligji dikton se Rama humbet të gjitha funksionet publike. Këtu i referohet statusit si deputet dhe si kryeministër. Ai ka kërkuar po kështu nga kryeministri Rama që të sqarojë nëse ka gënjyer për propagandë.
Në të kundërt, sipas tij, institucionet duhet të nisin menjëherë procedurën e parashikuar nga Ligji i Dekriminalizimit.
Statusi
Ne mes te hallit qe ka zene te gjithe, kur njerezit jane mbyllur ne shtepi dhe shpesh nuk kane mundesi te sigurojne buken e femijeve, apo biznesi u eshte mbyllur, Rama deklaroi ne median italiane se vite me pare eshte arrestuar ne Bolonja sepse kishte kundershtuar nje punonjes policie.
Ka nje problem te madh me kete deklarim: eshte arrestuar nga policia. Kryeministri NUK e ka deklaruar kete arrestim ne formularin e Dekriminalizimit! Ne rast mosdeklarimi ligji dikton se ai humbet te gjitha funksionet publike. Edhe si deputet edhe si kryeminister! Ligji i Dekriminalizimit i kaluar me shumice te cilesuar nuk pezullohet me akt normativ as ne kohe lufte apo pandemie.
Sa per t’ia kulluar mendimet Kryeministrit, dy deputete jane larguar nga parlamenti per kaq gje. Thjesht sepse nuk deklaruan arrestin.
Edi Rama duhet te sqaroje urgjentisht nese ka genjyer per propagande se eshte arrestuar ne Bolonja pasi kundershtoi nje punonjes policie, ne te kundert institucionet duhet te nisin menjehere proceduren e parashikuar nga Ligji i Dekriminalizimit per mosdeklarim ne formularin e Dekriminalizimit te arrestimit nga policia.
