Një trajner bejsbolli 30-vjeçar nga SHBA, i njohur ndryshme me nofkën “i pathyeshmi” ka ndërruar jetë nga koronavirusi.
Ben Luderer ishte një trajner bejsbolli i një ekipi shkolle të New Jersey, të SHBA-ve. Ai ka qenë pjesë e një ekipi bejsbolli të shkollave të mesme, që u shpall para disa vitesh kampion i kësaj kategorie, në Shtetet e Bashkuara.
30-vjeçari e mori nofkën “i pathyeshmi” nga trajneri i ekipit të atyre viteve, Greg Butler.
“Ironia e të gjithë situatës është këtu, ekipi që ishte “i pathyeshëm” mund të mposhtet nga një virus i padukshëm”, tha ish-trajneri për mediat lokale.
Bashkëshortja e 30-vjeçarit ishte konfirmuar me COVID-19, dy ditë para se Ben të shfaqte simptomat e para.
Trajneri 30-vjeçar shkoi me urgjencë në spital mbrëmjen e së premtes. Gruaja e tij sqaroi për mediat se ai nuk vuante nga asnjë problem tjetër shëndetësor. Sipas saj, kishte filluar të ndihej më mirë ditën e diel, teksa ishte ngritur nga krevati duke bërë lëvizje të pakta në dhomë.
“U ktheva për të parë se çfarë mund të bëja për të. Unë u përpoqa aq sa mundem. Ai ishte djersitur shumë. Në orën gjashtë të mëngjesit kur shkova përsëri për ta parë ai kishte vdekur”, tha bashkëshortja e tij.
