Emilia Clarke ka apeluar në Instagram duke u kërkuar fansave që të dhurojnë për të luftuar emergjencën e koronavirusit.
Qëllimi është të arrihet në 250,000 sterlina për të rritur numrin e shtretërve në spitalet britanike.
Aktorja e “Game of Thrones”, e cila jeton në vetizolim, kishte një propozim te shkëlqyeshëm: ajo do të zgjedhë 12 nga donatorët e shumtë dhe do t’u japë atyre një darkë virtuale.
“Ne do të krijojmë një klinikë rehabilitimi – shpjegon ajo në video mesazh – kështu që pacientët që kanë pësuar dëmtim të trurit të kenë një vend ku mund të ndjehen më pak të vetmuar dhe të sigurt. Ne duhet ta bëjmë këtë për të liruar sa më shumë shtretër dhe të ndihmojmë ata që punojnë në spital”
Sa për darkën, aktorja tha: “Ne do të gatuajmë dhe do të hamë së bashku. Do të flasim për shumë gjëra të tilla si izolimi, frika por edhe për videot argetuese që qarkullojnë në rrjet. Por ju paralajmëroj, unë nuk di fare si të gatuaj … përgatituni”
