COVID-19 u zbulua për herë të parë në Wuhan, Kinë, në fund të vitit 2019. Koronavirusi, i quajtur zyrtarisht Sars-CoV-2, është i lidhur ngushtë me viruset që infektojnë lakuriqët e natës. Nga ana e shkencëtarëve ka ende shumë pikëpyetje dhe ende nuk është e qartë se cila ishte kafsha “urë” mes lakuriqit dhe njeriut. “COVID-19”- “CO” është shkurtim i corona, “VI” shkurtim për virusin dhe “D” për sëmundjen.
Ekzistojnë shumë lloje koronavirusesh njerëzore, përfshirë dhe disa që zakonisht shkaktojnë probleme të lehta me frymëmarrjen. COVID-19 është një sëmundje e re, e shkaktuar si një koronavirus i ri që nuk ka ekzistuar më parë.
Disa kërkues pretentojnë se me rritjen e temperaturave, do të ketë një përhapje më të ngadaltë të virusit. Harta globale është thuajse një zonë e kuqe. Shqetësimi që ka popullata lidhet me faktin se nëse do të ketë një frenim të virusit, a do të ketë më tej një valë të dytë?
Mund të fillojë e gjitha me një ri-importim të rasteve nga zona të botës, ku infeksioni ka patur një tendencë më të vonuar. Disa viruse janë përsëritëse, për shembull MERS kurrë nuk ka mbaruar. Shpresa për këtë virus, është se do të ruajë patogjenitetin dhe vdekshmërinë aktuale relativisht të kufizuar dhe nuk do të ndryshojë gjenetikisht.
Hipotezat janë: kontrolli është i suksesshëm (si me SARS); epidemia mbaron pasi të ketë infektuar sa më shumë njerëz (si rasti i Zikës); virusi humbet intensitetin dhe mbetet endemik si të tjerët që vazhdojnë të qarkullojnë (siç është gripi).
Koronaviruset janë një familje e madhe e viruseve. MERS dhe SARS po ashtu janë dy shembuj të tjerë të koronavirusëve që e kanë origjinën nga kafshët, dhe më pas u përhapën te njerëzit.
