Aktivistja e njohur Greta Thunberg është vetëkarantinuar, pasi ka shfaqur disa simptoma të koronavirusit.
Mediat e huaja raportojnë se bashkë me të është izoluar edhe babai i saj. Ai e kishte shoqëruar Thunberg në udhëtimin e fundit me tren në Evropë për të marrë pjesë në organizimin “Premtimet për Ardhmërinë”, përpara se të përcaktoheshin rregullat e kufizimit.
Aktivistja suedeze tha se ajo dhe babai i saj ende nuk i janë nënshtruar testit për Covid-19. Në një intervistë për New Scientist, Thunberg sqaroi se në Suedi tamponi kryhet vetëm te njerëzit me simptoma të rënda, ose te ata që i përkasin kategorive të rrezikut.
Më shumë se 400 mijë persona janë infektuar nga virusi vdekjeprurës, prej të cilëve 104, 714 janë shëruar.
Koronavirusi i ka marrë jetën 18,300 personave nga e gjithë bota.
