Kina tashmë po e merr veten nga koronavirusi, teksa i është rikthyer jetës normale. Por në Itali dhe Spanjë situata është emergjente, dhe mjekët nuk po ia dalin dot. Kina e cila tashmë është rimëkëmbur, ka nisur punën intesive, për t’iu ardhur në ndihmë vendeve të rrezikuara.
Fabrikat kineze po punojnë me tre turne, për të ndërtuar ventilatorë për spitalet në Itali dhe SHBA. Pas përmbushjes së nevojave të vendit dy javë më parë, linjat e fabrikave kineze janë duke punuar me porositë të ardhura nga jashtë për ventilatorët e tij të shpëtimit.
Ventilatorët pompojnë oksigjenin në mushkëri, dhe largojnë dioksidin e karbonit nga trupi. Shumë pacientë të infektuar nga koronavirusi, kanë nevojë për makinën, sepse niveli i tyre i oksigjenit në gjak bie në mënyrë të ndjeshme, gjendje e quajtur hipoksem, e cila mund të shkaktojë dëme të organeve dhe të jetë potencialisht kërcënuese për jetën.
Kërkesa e ventilatorit është aq e madhe sa presidenti i SHBA, Donald Trump, u ka dhënë prodhuesve të automjeteve dritën e gjelbër për të rikonfiguruar fabrikat e tyre, për të bërë këto pajisje.
Kina është në gjendje të furnizojë të paktën 14.000 ventilatorë jo invazivë në prill, sipas analistit të inteligjencës së Bloomberg, Nikkie Lu, bazuar në atë që fabrikat furnizuan Wuhan, kryeqytetin e Hubei, në muajin mars.
Nga ana tjetër, Gjermania ka vendosur të presë pacientë të prekur me koronavirus nga Italia. Ky është vendi i parë në Europë që e bën këtë gjë.
Sot Kina për herë të parë ka shënuar 0 të infektuar të rinj me koronavirus, dhe ka vendosur që të heqë masat e sigurisë. Megjithatë e njëjta gjë nuk do të ndodhë me krahinën e Wuhanit, nga ky masat e marra do të shfuqizohen deri më 8 prill.
