Drejtori i Urgjencës Kombëtare Skënder Brataj raportohet se është infektuar me COVID-19.
Brataj është pjesë e Task-Forcës pranë Ministrisë së Shëndetësisë për koronavirusin.
Së fundmi ka reaguar Ministrja e Shëndetësisë Ogerta Manastirliu: “Dr. Skënder Brataj është konfirmuar pozitiv ditën e sotme pas kryerjes së analizës për Covid-19. Deri tani gjendja e tij paraqitet e stabilizuar dhe Dr. Brataj ndodhet në vetë-izolim, në shtëpinë e tij. Uroj me shpirt ta kalojë sa më lehtë këtë situatë dhe t’i bashkohet sa më shpejt, i shëruar plotësisht, ekipit tonë që po lufton çdo ditë me këtë armik!”
Kujtojmë se numri i viktimave nga koronavirusi në Shqipëri është rritur duke shkuar në 5 ndërsa numri i të infektuarve në 123.
