Gjatë 24 orëve të fundit, në Britaninë e Madhe numri i viktimave është rritur me 54, duke e çuar numrin total të viktimave në 335. Për këtë shkak, kryeministri Boris Johnson ka marrë masa të ashpra, si pasojë e përhapjes së koronavirusit. Johnson ka urdhëruar mbylljen tre javore të vendit, për të parandaluar Covid-19.
Nga kjo mbrëmje njerëzit duhet të qëndrojnë në shtëpi, përveç rasteve kur kanë për të bërë blerje për nevojat thelbësore.
Johnson ka paralajmëruar se kush shkel urdhrin, do të përballet me gjoba të rënda.
“Policia do të patrullojë në rrugë dhe do të gjobisë të gjithë ata persona e drejtues mjetesh që thyejnë këto masa”, tha Johnson në një deklaratë të jashtëzakonshme.
