Ditën e sotme janë regjistruar 9 raste të reja me koronavirus në Maqedoninë e Veriut.
Ministria e Shëndetësisë njofton se numri total i personave të infektuar me COVID-19 ka shkuar në 85.
Raste me koronavirus deri më tani ka në qytetet e Shkupit, Dibrës, Shtipit, Kavadarit, Gostivarit dhe Ohrit.
“Pacienti i vetëm që i është vënë aparat për frymëmarrjen është në fazë kritike. Tek tre pacientë të tjerë virusi është zhvilluar në formën e pneumonisë së rëndë, por që për momentin janë në gjendje të stabilizuar. Pacientët e tjerë kanë pasqyrë më të lehtë klinike.
Të gjithë pacientët që po i nënshtrohen trajtimit shtëpiak janë në kontakt të vazhdueshëm me mjekët”, njoftoi Ministria e Shëndetësisë.
