Për shkak të pandemisë, presidenti Donald Trump ka anuluar samitin e G7-ës, apo grupit të vendeve më të industrializuara. Më herët ishte parashikuar që samiti të mbahej në qershor, në Kamp Dejvid, pranë Uashingtonit.
Zëdhënësi i Shtëpisë së Bardhë, Judd Deere, tha se udhëheqësit do të bisedojnë “në baza virtuale, në mënyrë që të gjitha ekonomitë t’i përqendrojnë burimet në trajtimin e sfidave shëndetësore dhe ekonomike, që paraqet sëmundja COVID-19”.
G7-ta përbëhet nga: Britania, Kanadaja, Franca, Gjermania, Italia, Japonia dhe Shtetet e Bashkuara.
Të gjitha këto shtete po luftojnë për frenimin e pandemisë. SHBA-ja mban udhëheqjen e G7-ës gjatë vitit 2020.
Një ditë më parë, Presidenti i SHBA-së, Donald Trump, kritikoi ashpër mediat, duke i fajësuar në përhapjen e koronavirusit.
“Ju nuk do ta njihnit këtë situatë ku jemi”, u tha ai gazetarëve. SHBA ka më shumë se 9.300 raste të Covid-19, dhe ka parë 150 vdekje deri më tani, sipas vlerësimeve.
