Kryeministri Edi Rama iu është përgjigjur lajmeve që qarkulluan në rrjetet sociale se në orën 23:30 do të niste një aksion me helikopter për spërkatjen nga qielli në kryeqytet.
Në një prononcim për emisionin “Opinion”, Rama i mohoi këto lajme, teksa shtoi me ironi se është e çuditshme që si në rastin e tërmetit, këto lajme programohen të ndodhin në 23:30.
“Është e çuditshme, që të njëjtën njerëz bëjnë këto lajme dhe zgjedhin 23:30. Sikur Shqipëria të kishte helikopter që dilnin në 11 e gjysmë për spërkatje, atëherë do ishit për të bërë biseda të tjera sot”, tha ai.
Rama foli edhe në lidhje me planin financiar të propozuar ditën e sotme nga qeveria, në lidhje me situatën e krijuar në vend nga koronavirusi.
