Kryeministri italian Giuseppe Conte po shqyrton mundësinë që të zgjerojë edhe më tej masat e ndërmarra për koronavirusin. Deri më tani në Itali kanë humbur jetën 2978 persona, dhe harta po zgjerohet edhe më tej.
Conte ka thënë se situata është dramatike, dhe se masat e ndërmarra do jenë përtej afatit fillestar. Deri më tani, tek masat aktuale u lejonin italianëve që të shkonin në punë.
Numri i viktimave rritet nga dita në ditë, dhe deri më tani në rang global kanë humbur jetën 8.970 dhe të prekur aktualisht janë 219.367 të tjerë. Ndërsa 85.749 persona kanë fituar betejën me koronavirusin.
475 persona humbën jetën gjatë 24 orëve të fundit, bilanci më i rëndë i regjistruar ndonjëherë, duke çuar numrin total të viktimave në rreth 3 mijë. Gjithashtu janë shënuar dhe mbi 2 600 raste të reja me koronavirus, ndërsa në total janë rreth 35 mijë të infektuar.
Deri më 17 mars, më shumë se 70 përqind e viktimave ishin burra, mosha mesatare e të cilëve është 79.5 vjeç. Ndërkohë, mosha mesatare e grave që kanë humbur jetën është më e lartë, 83.7 vjeç.
