Një tjetër shtet evropian bie pre e koronavirusit. Bëhet fjalë për ishullin mesdhetar të Qipros, i cili ka konfirmuar tashmë 2 rastet e para.
Rasti i parë ishte një 25-vjeçar, i cili para pak ditësh ishte kthyer nga Italia e Veriut. Ndërsa rasti i dytë ishte një 64-vjeçar, i cili sapo ishte kthyer nga Britania e Madhe.
64-vjeçari punonte si doktor në spitalin e Nikosias për ndërhyrje kirurgjikale në zemër. Menjëherë pas verifikimit të këtyre rasteve, autoritetet kanë marrë masa për karantinimin e familjarëve të tyre.
Deri dje Qipro bënte pjesë ne grupin e atyre vendeve të pakta në Evropë, ku koronavirusi nuk kishte depërtuar akoma.
