Sikundër premtoi më herët për një konferencë për shtyp, presidenti Meta sqaroi letrën që ai i ka dërguar kreut të Komisionit Evropian, pas rekomandimit për çeljen e negociatave me BE për Shqipërinë dhe Maqedonine e Veriut.
Kreu i Shtetit tha se letra drejtuar KE ishte për të sqaruar që mosmarrëveshja në Gjykatën Kushtetuese është krijuar nga interpretimi i ndryshëm që mazhoranca i bën Kushtetutës, duke kërkuar, sipas tij, të kapë edhe këtë institucion.
“Jo vetëm dje, por edhe sot pas rrjedhjes nga qeveria në një television në vendin tonë ku bëhej publike letra për zgjerimin, gjoja ishte kundër negociatave. E anonçoi spektakolari Tao Tao, dhe iu bë jehonë nga gruaja e Bilalit.
Letra ishte për të ndihmuar KE për situatën lidhur me çështjen e KE-së. Kini pak durim. I shkruaj: I dashuri zoti Komisioner, e mirëpres përkushtimin tuaj për çeljen e negociatave. Mbetem shpresëplotë se vendet anëtare, do ta marrin parasysh rekomandimin tuaj për çeljen e negociatave gjatë këtij muaji, duke marrë parasysh metodologjinë më rigjoroze.
Ka mosmarrëveshje për emërimin e GJK, mazhoranca do të kapë edhe këtë institucion. Presidenti ka respektuar të gjithë ligjet. Dhe më pas i parashtroj edhe pikat e ligjit. Kjo është pikërish ajo që presidenti ka zbatuar me besnikëri”, u shpreh Meta.
