Kryeministri Edi Rama ka dalë në një konferencë të përbashkët për shtyp me ministrin e Jashtëm rus, Sergey Lavrov.
Gjatë fjalë së tij, Lavrov u shpreh se deklaratat publike të kryeministrit Rama në cilësinë e kryetarit të OSBE, kanë përcjellë pozitivitet.
“Ajo çfarë ka fituar më shumë avantazh në OSBE është retorika sulmuese si dhe përpjekjet për të nxehur polemikat në vend që të gjejmë një bazë konstruktive gjithëpërfshirëse në dialog”, tha ministri rus.
Sipas tij, personi drejtues i OSBE është shumë i rëndësishëm, pasi duhet të krijojë kushtet për një punë konstruktive. Ai shtoi se kreu i qeverisë shqiptare e ka treguar këtë gjë me deklaratat e tij, teksa theksoi se për këtë arsye Rama ka mbështetjen e plotë të tij.
“Dihet që situata e marrëdhënieve globale është mjaft komplekse dhe kjo ka ndikim edhe tek OSBE-ja. Për fat të keq ajo çfarë ka fituar më shumë avantazh në OSBE është retorika sulmuese dhe përpjekjet për të nxehur polemikat në vend që të gjejme një bazë konstruktive gjithëpërfshirëse në dialog.
Në këtë situatë, personi drejtues është shumë i rëndësishëm e duhet të krijojë kushtet për një punë konstruktive. Jam i lumtur që në fjalët tuaja publike keni dëshmuar një qasje të tillë dhe ne do ju mbështesim plotësisht për këtë. Patjetër sot do kemi shans të shkëmbejmë edhe axhendën dypalëshe dhe të kemi një takim frytdhënës”, tha ai.
