Shefi i përkohshëm ekzekutiv i bankës më të madhe në Evropë, HSBC ka deklaruar se do të shkurtojë rreth 35,000 vende pune.
Sipas Noel Quinn, kjo bëhet që të përqendrohen më shumë në tregjet në rritje në Azi dhe për t’u përballur më mirë me pasiguritë globale. Ai tha se numri i punonjësve do të bie nga 235,000 në 200,000 në tre vjetët e ardhshëm. Banka HSBC e ka selinë e saj në Londër, por pjesa më e madhe e fitimeve të saj vjen nga Azia.
Sipas mediave të huaja, fitimi neto i kësaj banke ka rënë me 53% në vitin 2019, përkatësisht 6 miliardë dollarë. Shkurtimi i 35,000 vendeve të punës nënkupton zvogëlim të rreth 15% të fuqisë punëtore.
