Kryeministri Rama ka reaguar me anë të një statusi në Facebook, lidhur me Konferencën e Donatorëve, e cila rezultoi e suksesshme. Mëngjesin e sotëm, Rama e ka nisur me një fotoalbum nga takimet që zhvilloi dje, ku shkruan: “Ditë e paharrueshme shqiptare në zemër të Europës”.
Kreu i ekzekutivit shqiptar shfaqet i qeshur, e ku me anë të fotove shpreh edhe një herë falenderimet ndaj shteteve që kontribuuan për Shqipërinë dje në Konferencën e Donatorëve.
Dje në Konferencën e Donatorëve u mblodhën 1.15 miliardë euro grante, hua, e fonde për projekte zhvillimi nga rreth 100 vende. Kjo shifër rekord shkon dhe përtej çdo pritshmërie që kishte qeveria shqiptare.
Thirrjes për të ndihmuar nëpërmjet kësaj konference iu përgjigjën të gjitha vendet dhe institucionet pjesëmarrëse, në donacione apo financime për ndërtimin e shtëpive, shkollave apo spitaleve në zonat e dëmtuara nga tërmeti shkatërrues i 26 nëntorit.
