Mediat angleze janë fokusuar ditën e sotme te banorët e Aberdeen të Skocisë, pasi ata janë “dëshmitarë okularë” të përbindëshit të Loch Ness.
Mëngjesin e të martës, banorët e qytezës skoceze kanë gjetur në breg të detit skeletin e një krijese gjigante dhe të çuditshme. Deri tani ende nuk është bërë i mundur identifikimi i skeletit të krijesës.
Raportimet nga vendngjarja tregojnë se skeleti misterioz është shfaqur në breg të detit pas stuhisë së fuqishme “Ciara”.
Edhe pse ende nuk ka pasur ndonjë reagim nga autoritetet lokale, përhapja e imazhit në rrjetet sociale ka prodhuar shumë polemika. Shumica aludojnë që skeleti i përket përbindëshit të Loch Ness, krijesës mitike misterioze që ka turbulluar mendjen e qindra personave në histori.
