Gazetari Artan Hoxha ka dhënë mendimin e tij në lidhje me operacionin ‘blic’ të Forcave të Ndërhyrjes së Shpejtë, për kontrollin e mjeteve luksoze. Përveç FNSH, në aksion janë të përfshira edhe efektivët e Shqiponjave, Patrullat e Përgjithshme, Policia Kriminale dhe ajo e Qarkullimit Rrugor, ndërsa kontrollet do të vijojnë edhe në ditët në vijim.
Ai tha se krimi i organizuar nuk luftohet me postblloqe në rrugë, referuar aksionit të nisur së fundmi për ndalimin e makinave të blinduara.
Në studion e “Abc News”, Hoxha u shpreh se bosët e mëdhenj nuk lëvizin me makina të blinduara apo të shtrenjta, por me “Smart”. Sipas gazetarit, ata që lëvizin me automjete të blinduara kanë hasmëri dhe i përdorin makinat për t’u ruajtur.
