Policia njoftoi më herët ditën e sotme se i ka dërguar formularët për deklarimin e pasurisë dy personave të tjerë.
Një ndër ta mësohet të jetë Bardhok Pllanaj, i njohur ndryshe si “Sheiku” i Shkodrës. Ai është arrestuar në vitin 2018 pasi u konstatua se po ndërtonte një pallat 10 katësh pa leje.
Objekti kapte një shumë prej 2 milionë eurosh, e cila u konstatua se buronte nga aktiviteti i tij kriminal i mëparshëm në Gjermani. Ai ishte dënuar atje më parë në fushën e narkotikëve.
Në 2019 Pllanajt iu sekuestruan edhe 20 pasuri prona, apartamente, biznese, troje, makina etj kryesisht në Dobrac të Shkodrës.
Emri i Pllanajt do të lakohej për herë të parë në vitin 2014, gjatë operacionit policor “Laguna e Vilunit”, ku u sekuestruan gati një ton hashash. 7 persona u arrestuan, por Planaj arriti t’i shmangej kapjes.
Më tetor të 2019, Pllanaj i cili ishte në arrest shtëpie theu masën e sigurisë por u arrestua më pas në Lushnje.
