Vijon të tensionohet situata ndërmjet Greqisë dhe Turqisë. Ditën e djeshme, ministri turk i mbrojtjes Hulusi Akar ka hedhur akuza ndaj Athinës zyrtare për militarizimin e 16 ishujve.
Në deklaratën e tij ai theksoi se Turqia nuk do të tolerojë asnjë provokim nga pala greke dhe se Turqia nuk do të lejojë shfrytëzimin e burimeve natyrore të Qipros nga Greqia.
Sipas tij, shfrytëzimi i burimeve natyrore të Qipros mund të bëhet vetëm ndërmjet vendimeve të përbashkëta.
“Qasja e Greqisë ndaj këtyre çështjeve e bën të vështirë zgjidhjen e tyre në një nivel të përbashkët. Ajo ka militarizuar 16 nga 23 ishujt që nga viti 1936 dhe ka shkelur marrëveshjet. Nga ana tjetër, në një mënyrë të paparë në botë dhe në histori, ajo pretendon se hapësira e saj ajrore është 10 milje ndërsa ujërat e saj territoriale arrijnë 6 milje. Kjo nuk është e arsyeshme, ”tha Akar, për çështjet në Egje.
